Apendico al la Statuto (AS)1.2 Pluvalidas (kie ne postaj decidoj, la starigotaj regularoj kaj cxi tiu apendico ilin sxangxas) la dekretoj 1 (baza regularo) kaj 2 (aparteneco) de la fondoprezidanto same kiel la post 1985-09-13 / 1685 pfR jam protokolitaj decidoj de la Gxenerala Asembleo (de la Scienca Sektoro -- artikolo 8), de la asembleo de la Subtena Sektoro (artikolo 15) kaj de la senato (art. 10). La dekretoj estas publikigitaj en ,,Ekesto kaj celoj`` pj. 101-108. La oficialajn protokolojn regule publikigadas ekde 1986 la revuo ,,GrKG/Humankybernetik``.
1.3 Eventualaj estontaj sxangxoj de la regularoj bezonas la apogon de la senato inkluzive la vocxon de la prezidanto aux de la vicprezidanto kaj de almenaux du trionoj en la koncernata asembleo.
1.4 Eventualaj estontaj sxangxoj de cxi tiu apendico bezonas la apogon de la senato inkluzive la vocxojn de la prezidanto kaj de la vicprezidanto, kaj la aprobon fare de almenaux tri kvaronoj en la asembleoj de la Subtena kaj de la Scienca Sektoroj (t.e. la Gxenerala Asembleo).
1.5 Eventuala sxangxo de la statuto mem bezonas la saman apogon kiel la sxangxo de la apendico, kaj krome la aprobon de la Konsilio de la XII.
1.6 La sekvantaj partoj de cxi tiu apendico pliprecizigas kaj klarigas precipe
la samtemajn kaj samnumerajn artikolojn de la statuto.
2.2 Krom en la Respubliko de San Marino mem kaj kadre de la cxiterenaj legxoj la Akademio povas realigi kursojn kaj konferencojn ankaux eksterlande. Tiucele gxi povas kunlabori kun universitatoj, esplorcentroj kaj aliaj institucioj de supera instruado kie ajn ili trovigxas, se ili respektas la principon de la sennacieco de sciencoj kaj celas internacian sciencan kunlaboradon. La akademio fondas filiojn en landoj, en kiuj gxia sxtata agnosko dokumentigxas per la ekzisto de registro cxe sxtata institucio de akiritaj AIS-gradoj. Tia filio laboras fakte kiel komuna entrepreno de AIS kune kun ties tiea landa aux regiona asocio (art. 7.5) kaj eventuale kun aliaj jure ekzistantaj kunportantoj de la filio. La filio estas gvidata de kune por difinita tempo nomumita direktoro aux tripersona direktoraro, havu sidejon en difinita loko sed egale kunlaboru kun la efektivaj membroj de AIS en la tuta koncerna lando aux regiono. En la regionoj, kie agas filioj, ankaux la loka(j) lingvo(j) estas oficiala(j) lingvo(j) de AIS.
2.3 Krom la formoj de la tradicia universitatnivela instruado la akademio povas apliki ankaux novajn klerigteknologiajn (precipe telekomunikajn, auxdvidajn kaj perkomputilajn) rimedojn.
2.4 La akademio okupigxas ankaux pri la difino kaj aplikado de internaciaj
normoj por la kompara prijugxo de sciencistaj gradoj kaj titoloj en akordo kun
la gxeneralaj nivelpostuloj de la cxapitro IV (artikoloj 18-20) de la
Kadrolegxo pri la universitata instruado kaj institucioj de altgrada klerigo.
3.2 Membro de la Subtena Sektoro (SubS) povas samtempe aparteni al la Scienca Sektoro (SciS) kiel efektiva (plenrajta aux asociita) membro aux kiel adjunkto, tie havante la samajn rajtojn kiel la aliaj samkategoriaj apartenantoj de la Scienca Sektoro.
3.3 La aparteneco al la Scienca aux la Subtena Sektoro ankaux ne ekskludas la samtempan apartenecon al Sektoro Arta (ArS) aux Teknika (TeS). La alvoko al tia sektoro estas aparta honorigo. La direktorojn de TeS kaj ArS nomumas la senato.
3.4 La alineoj 3.2 kaj 3.3 validas ankaux por honoraj senatanoj kaj por honoraj civitanoj de la sekcioj aux sektoroj.
3.5 Sciencaj asocioj, universitatoj, entreprenoj kaj aliaj organizoj kiuj
finance aux agade subtenadas la akademion, povas farigxi kolektivaj
subtenaj membroj.
4.2 La Internacia Lingvo estas la sola laborlingvo de la senato kaj de la Gxenerala Asembleo (de la SciS). Kiam en la Asembleo de la SubS okazas tradukoj, tiam ILo estas la sola cellingvo.
4.3 Kie lauxregulare pluraj lingvoj estas uzataj ILo estas unu el ili.
5.2 La oficialigitaj, diverslingvaj tradukoj de la statuto kaj la apendico
estas cxiuj samvalidaj. En kazo de dubo oni orientigxu laux la teksto en ILo
kaj lauxbezone laux la protokolita (aux eventuale alimaniere dokumentita)
tradicio.
Art.6: Rango-titoloj
6.1 Honora membro de AIS (HMdAIS) povas esti elektita
(a) de la Subtena Sektoro kun aprobo de senato (tial ricevinte la honoran
rangotitolon ,,honora civitano de la Subtena Sektoro de AIS)`` aux
(b) de la Gxenerala Asembleo de la Scienca Sektoro -- aux de sekcio de
gxi -- kun la aprobo de la senato (tial ricevinte la honoran rangotitolon ,,honora
civitano de -- la ...a sekcio de -- AIS``) aux
(c) de la senato, kiu per tio havigas la rangotitolon ,,honora senatano de
AIS``.
6.2 Same kiel la honoraj membroj laux 6.1(b), ankaux la adjunktoj (AdAIS) kun la rangotitoloj ,,adjunkto scienca de AIS`` (ASci.) aux ,,asociita docento de AIS`` (ADoc.) apartenas al la Scienca Sektoro sen vocxdonrajto en la Gxenerala Asembleo.
6.3 Nur la efektivaj membroj -- nome la asociitaj membroj (AMdAIS) kun la rangotitoloj ,,plenrajta docento`` (PDoc.) aux ,,asociita profesoro`` (AProf.) kaj la plenrajtaj membroj (MdAIS) kun rangotitolo ,,orda profesoro`` (OProf.) -- havas vocxdonrajton en la Gxenerala Asembleo de la Scienca Sektoro. La plenrajtaj membroj estas krome elekteblaj en la Senaton.
6.4 Se la koncerna sekcio, la senato kaj la Gxenerala Asembleo devas
konstati, ke profesoro aux docento akiris sian rangotitolon cxe AIS per
trompo, cxi tiu titolo estu malagnoskata.
7.1 La Scienca Sektoro konsistas el la jenaj ses sekcioj:
Sekcio K (sekcio 1): Kibernetiko
Sekcio H (sekcio 2): Humanistiko
Sekcio S (sekcio 3): Struktursciencoj
Sekcio F (sekcio 4): Filozofio
Sekcio N (sekcio 5): Natursciencoj
Sekcio M (sekcio 6): Morfosciencoj
La sekciestro havas la roltitolon ,,dekano``.
7.2 Cxiu sekcio de la Scienca Sektoro povas konsisti el subsekcioj (,,fakaroj`` aux ,,departementoj``).
7.3 La senato kaj la Gxenerala Asembleo povas delegi, laux la regularo pri kunsidoj, decidojn al organoj de sekcioj de la Scienca Sektoro.
7.4 La organoj de AIS kaj de ties sektoroj kaj sekcioj povas krei por specialaj taskoj komisionojn.
7.5 Lauxbezone eblas krei en interkonsento kun la senato landajn aux
regionajn asociojn por apogi la akademion kiel jure memstaraj organizoj
(1) en lando kun propraj legxoj pri asocioj, aux
(2) en regiono, en kiu interkomprenigxo inter sciencistoj okazadas per
komuna sciencolingvo.
Al ili apartenu almenaux cxiuj tiulandaj resp. tiuregionaj efektivaj
membroj de AIS. Inverse aligo aux aligxo al apoganta landa aux regiona
asocio ne havigas senperan apartenecon cxe AIS. Se tia asocio akceptas
ankaux membrojn, kiuj nek estas efektivaj nek subtenaj membroj de AIS,
la asocio mem devas esti kolektiva subtena membro de AIS.
8.2 Se la dato kaj tagordaj punktoj de kunsido de la Gxenerala Asembleo jam sekvas el la regularo pri kunsidoj, tio validas kiel statutkonforma alvoko.
8.3 La adjunktaj apartenantoj de la Scienca Sektoro, la honoraj membroj de AIS kaj la subtenaj membroj havas cxeestrajton, same la membroj de ArS kaj TeS.
8.4 La kunsidregularo limigas la parolrajton.
8.5 La kunvoko de la Gxenerala Asembleo fare de la vicprezidanto okazas cxu en
sciigenda interkonsento kun la prezidanto, cxu en situacio (same sciigenda),
en kiu la prezidanto demisiis, aux estas malhelpata mem inviti.
9.2 La klauxzo ,,la duono plus 1`` en la itala teksto signifas ,,la duono plus 0,5``, kaze ke la nombro de la efektivaj membroj ne estas para.
9.3 Membroj kiuj ankoraux sxuldas sian membrokotizon por la aktuala jaro ne
havas vocxdonrajton sed ja cxeestrajton; ili nek estu atentataj en la suma
listo de la aktuala membroj, nek alkalkulataj al la nombro de la cxeestantoj.
10.2 Orda profesoro en la senco de artikolo 10 nur povas esti efektiva membro de AIS, al kiu estas laux la alvokoregularo agnoskita la rangotitolo ,,orda profesoro`` (OProf.) de AIS kaj la aparteneckategorio ,,plenrajta membro de AIS`` (MdAIS). Cxi tiu agnosko nur eblas, se la efektiva membro aux jam havas aux havis la saman rangon en universitatnivela kleriginstitucio eksterlanda, aux montris per sia scienca laboro la samrangan nivelon.
10.3 La senaton elektas la Gxenerala Asembleo (GxA). Se ne estas elektitaj 11 senatanoj la GxA elektu vicon da vicsenatanoj, tiel ke la nombro de senatanoj kaj vicsenatanoj estu 11. La vicsenatanoj lauxvice anstatauxu senatanojn en la kazo de morto, de alia nepra cxeestmalhelpo, de eksigo aux demisio. Krome la titolo ,,vicsenatano`` estas lauxokaze komisie donebla de la senato al efektiva membro plenumanta dum gxia dejxortempo gravan specialan taskon.
10.4 La Gxenerala Asembleo rajtas proponi al la senato unu senatanon por la elekto kiel prezidanto. Tiukaze la senato nur per 2/3 de siaj vocxoj povas elekti alian senatanon kiel prezidanton.
10.5 La elektita prezidanto rajtas proponi al la senato unu senatanon por la
elekto kiel vicprezidanto. Tiukaze la senato nur per 2/3 de siaj vocxoj povas
elekti alian senatanon kiel vicprezidanton.
11.2 La protokolo de la Senato (eventuale ellasante sekretajn partojn indikendajn per
,,...``) estu publikigata kiel ,,oficiala sciigo`` laux art. 8.1.
12.2 La klarigo 9.2 validas ankaux por la artikolo 12.
12.3 Cxiu plenrajta membro de AIS, kaj plue la direktoroj kaj vicdirektoroj de SubS, ArS kaj TeS havas cxeestrajton en la senatkunsido kaj apartenas tiusence al la ,,Granda Senato``.
12.4 Trezoristo aux sekretario ne elektita de la GxA sed alelektita fare de
la elektitaj senatanoj ne akiras vocxdonrajton pri alvoko, honorigoj kaj
aliaj esence sciencecaj decidajxoj.
13.2 Se la prezidanto antauxvidas, ke pluraj decidoj estonte urgxos pri similaj problemoj, li decidu surbaze de regulo starigenda de li kaj diskonigenda kiel dekreto. Dekreto validas gxis kiam la decidrajta instanco gxin sxangxas.
13.3 En la kazo de agadmalhelpateco de la prezidanto la vicprezidanto plenumas
cxiujn taskojn ne facile prokrasteblajn, kaj havas cxiujn rajtojn de la
prezidanto.
15.2 La asembleo de la subtenaj membroj povas elekti por la estraro kromajn membrojn kun funkcioj konsilaj kaj plenumaj. Ili formas kune kun la estraranoj kaj iliaj anstatauxantoj la ,,Komitaton de la Subtena Sektoro``.
15.3 La direktoro estas elektenda el la estaro, la vicdirektoro el la estraro aux el inter la aliaj komitatanoj, la sekretario estas elektebla ankaux el inter la subtenaj membroj ne apartenantaj al la komitato.
15.4 La asembleo rajtas proponi al la estraro unu estraranon por la elekto kiel direktoro. Tiukaze la estraro nur per 2/3 de siaj vocxoj povas elekti alian estraranon kiel direktoron.
15.5 La elektita direktoro rajtas proponi al la estraro unu membron de la komitato por la elekto kiel vicdirektoro. Tiukaze la estraro nur per 2/3 de siaj vocxoj povas elekti alian komitatanon kiel vicdirektoron.
15.6 Se foresta subtena membro estas elektita de la asembleo aux de la estraro kaj ne estas skribe akceptinta la elekton dum la sekvinta kalendara monato aux antaux la komenco de la unua kunsido de la elektinta organo de la Subtena Sektoro, tiam okazu nova elekto; kaze de malakcepto de elekto la nova elekto okazu je la plej frua okazo. La dejxortempo de tia postelektito finigxas kune kun la dejxortempo de la aliaj elektitoj.
15.7 La regulo 13.3 validu analoge por la direktoro kaj vicdirektoro.
Art.16: Funkciado de la Asembleo de la SubS
16.1 La klarigoj 8.2, 9.1, 9.2 kaj 9.3 validas ankaux por la artikolo 16 de la
statuto.
16.2 Vocxo estas delegebla nur al persona subtena membro.
16.3 La subtenaj membroj en la lando aux regiono (en la senco de 7.5), en kiu AIS havas pli ol 15 subtenajn membrojn, povas agnoskigi sin flanke de la asembleo de la SubS kiel landa resp. regiona sekcio de la Subtena Sektoro kaj elekti sekciestron kaj sekcivicestron. La sekciestro (en lia foresto: la sekcivicestro) vocxdonas sen aparta legitimilo kiel delegito de la forestaj sekcianoj.
16.4 Kolektivaj membroj estas reprezentataj en la asembleo per 1-3 legitimitaj reprezentantoj, el inter kiuj unu uzas la membrovocxon de la kolektiva membro.
16.5 Kaze ke en la asembleo nek cxeestas persone, nek estas reprezentata la
kvanto de membroj preskribita en artikolo 16, eblas decidi
provizore, se la direktoro aux vicdirektoro persone cxeestas. Provizoraj
decidoj estos nuligataj, se ili ne ricevas dum la sekvanta kalendara monato
la aprobon fare de la absoluta plimulto de cxiuj eblaj vocxoj per skriba
konsento de suficxa nombro de membroj, kiuj ne cxeestis.
17.2 La bugxeta jaro de la Subtena Sektoro estas la kalendara jaro.
Art.18: Bugxeta jaro de la Subtena Sektoro
18.1 La landaj aux regionaj sekcioj de la Subtena Sektoro
estas kunigxoj de tieaj subtenaj membroj, ne nepre jure memstaraj.
Ili ne havas la statuson de kolektiva Subtena Membro. Tian statuson ja povas
aux ecx devas havi landaj aux regionaj asocioj laux 7.5, kiuj normale
ja havas juran memstarecon.
18.2 La sanmarinaj subtenaj membroj escepte estas konsiderataj ne kiel
landa sekcio de la SubS, kvankam 30 % de iliaj kotizoj estas disponigendaj
al la Scienca Sektoro, sed kiel Sanmarina Asocio de AIS, kvankam gxi ne
estas jure memstara.
19.2 La estraro de la Subtena Sektoro havas la rajton proponi al la Gxenerala Asembleo (de la Scienca Sektoro) tri revizorojn. En tiu kazo almenaux unu el tiu cxi listo estu elektita en la revizoraron.
19.3 Almenaux unu el la revizoroj havu bonajn sciojn de la itala lingvo kaj estu prefere sxtatano de San Marino.
19.4 Estas elektebla revizoro cxiu persono minimume 25 jarojn agxa, kiu
apartenas al AIS laux unu el la kvin aparteneckategorioj (MdAIS, AMDAIS,
HMdAIS, SMdAIS, AdAIS).
Art.20: Aligoj
20.1 La estraro de la Subtena Sektoro rajtas akcepti sen antauxa unuopa aprobo
de la senato cxiun membron de la Internacia Scienca Kolegaro (ISK) de AIS.
Al ISK apartenas cxiuj efektivaj membroj, cxiuj adjunktaj apartenantoj de la
Scienca Sektoro, kaj plue aliaj scienculoj (,,libera ISKanoj``) laux
kriterioj difinitaj en la regularo pri rajtoj devoj kaj alvoko (RD 1).
20.2 La senato rajtas akcepti novan subtenan membron ekster ISK nur kun antauxa aprobo flanke de la direktoro aux estraro de la Subtena Sektoro.
20.3 La aligxo kiel nova SMdAIS ne efektivigxas antaux la pago de la
kotizo por unuaj du jaroj.
Art.21: Kotizoj
21.1 La kotizo pagenda de apartenantoj de la Scienca, Arta kaj Teknika Sektoro
ne superu 15%n de la kotizo pagenda de subtena membro. Gxi estu simbola
kotizo ne pagenda de apartenantoj kiuj ankaux estas subtenaj membroj,
kaj nur unufoje pagenda en la kazo de aparteneco al pli ol unu sektoro.
21.2 La aparteneco de efektivaj kaj de subtenaj membroj same kiel de adjunktoj auxtomate estas suspendita ekde la komenco de la nova bugxeta jaro gxis kiam la koncerna kotizo estos pagita. Se la aparteneco de efektiva aux subtena membro jam estas suspendita dum du jaroj, la senato decidu pri eventuala forpelo, konsiderante la gxisnunan kunlaboremon de la koncernato. Por subtenaj membroj estu ankaux konsiderata la opinio de la estraro de la Subtena Sektoro.
21.3 Honoraj membroj ne pagas en cxi tiu kvalito kotizon.
21.4 Per pago de 25 jarkotizoj dum maksimume 12 monatoj estas akirebla la dumviva aparteneco. Por akiri la dumvivan membrecon ankaux en la Subtena Sektoro apartenantoj de aliaj sektoroj pagas malpli: la de ili pagenda sumo reduktigxas je la kotizo jam pagita por la dumviva membreco en ilia sektoro.
21.5 Kiu jam perdis sian apartenecon al ISK pro nepago de la kotizo dum du jaroj
povas reakiri la aparteneconnur per pago de la sxuldoj kaj akiro de dumviva
aparteneco. -- Iama SMdAIS nur povas denove aligxi post pago de eventualaj
iamaj sxuldoj.
22.2 La cxikolora logoo de la Akademio, precipe de la Scienca Sektoro
estas:
22.3 La Subtena Sektoro uzadas kiel blazonon de AIS:
La prezidanto: OProf.Dr.habil. Helmar Frank