En Meksiko fondigxis landa asocio, kiu promesas iam farigxi plenrajta filio de AIS. Danke al la iniciato de prof. Feldmann-Gonzales jam okazis multe atentata preleg-serio en pluraj universitatoj, interalie en Mexicali, Celaya, Meksikurbo kaj Monterrey.
Ankaux en Europo cxi-jare okazos AIS-arangxoj: Du plenaj SUS-konferencoj komence de majo en Bydgoszcz (Pollando) kaj auxguste-septembre en San-Marino/Rimini ampleksos ne nur kursan, prelegan kaj kadran programojn, sed ankaux publikajn studfinajn ekzamenojn.
Dum la paska IJF (Internacia Junulara Festivalo) de Itala E-Junularo en Rimini (Italio) kaj dum la Berlina UK okazos stud-sesioj, kiuj proponas al la partoprenontoj aktualajn sciencajn informojn kaj iom da akademia etoso, sen iu kromkosto.