Bakalauxriga Universitata Studadsesio (BUS)
                   -------------------------------------------
    
                                   Regularo
                                   --------
    
    Ekzistas la ebleco, realigi en
    landoj, en kiuj AIS povas lauxregulare okazigi SUSojn, kvazauxSUSecan
    studadsesion, kiu plenumas la kondicxojn de SUS kun la jenaj kromaj
    postuloj kaj kun la jenaj esceptoj kompare al art. 5 de la regularo
    pri instruado kaj studado kaj kompare al la tradicio de SUSoj, kaj
    kiu nomigxu Bakalauxriga Universitata Studadsesio (BUS).
    
    (1)
    Dum BUS ne nepre okazu senatkunsido, sekcikunsidoj aux kunsidoj de la
    Gxenerala Asembleo aux de la Subtena Sektoro.
    
    (2) 
    BUS devas esti anoncita almenaux 6 monatojn antauxe. La anonco devas
    enhavi la deklaron de almenaux tri efektivaj membroj au asociitaj docentoj
    el almenaux du sekcioj de AIS, kiuj estu senatanoj aux vicsenatanoj aux 
    dekanoj aux vicdekanoj aux fakarestroj aux vicfakarestroj aux eksterordaj
    profesoroj
    kaj inter kiuj trovigxas minimume unu senatano aux vicsenatano, ke ili
    pretas okazigi dum tiu studadsesio kurson aux prelegserion kaj/aux
    eniri ekzamenkomitaton.
    
    Cxeestu BUSon almenaux 6 efektivaj aux adjunktaj membroj de AIS.
    
    (3)
    Minimume du sekcioj de AIS okazigu po minimume unu almenaux
    8-studhoran (6 plenhoran) kurson de (aux kune kun) efektiva(j)
    membro(j) komplete en ILo. Krome eblu akiri SUS-studunuojn per tiaj
    kursoj en ILo de ajna efektiva membro aux asociita docento de AIS en ajna
    sekcio de la scienca sektoro, tiel ke entute reale okazu minimume 4
    SUSecaj kursoj. Almenaux tiuj 4 kursoj estu diskonigataj 3 monatojn
    antauxe.
    
    Studunuon neSUSecan oni eventuale povu ankaux akiri per kurso farita
    de scienca adjunkto de AIS en ILo aux de docento de AIS en alia
    lingvo. Studunuo akirita per SUSeca kurso dum BUS validas kiel
    SUS-kurso nur por la nivelo de bakalauxrigxo.
    
    (4)
    Okazu almenaux kvar bakalauxraj finekzamenoj de kandidatoj, kiuj
    almenaux 4 monatojn antauxe kandidatigxis pagante la ekzamenkotizojn kaj
    aligxante al la BUS.
    
    (5)
    Por minimume 4 de la okazontaj SUSecaj kursoj po almenaux 5 studentoj
    enskribigxu plej malfrue 3 monatojn antauxe por evidentigi la bezonon
    de la koncerna kurso, krom se la koncerna docento rezignas pri tiu
    kondicxo.
    
    (6)
    Al la kunorganizanta kleriginstitucio apartenu almenaux 10 studentoj,
    kiuj havas studentan legitimilon de AIS liberigantan ilin de la pago
    de aligxkotizo al la BUS.
    
    (7)
    Kotizoj por aligxo konformu al la SUS-regularo. Kotizoj por partopreno
    de kursoj estas fiksendaj de la organizantoj. Por la finaj ekzamenoj
    validas la kotizregularo de AIS.