AIS-sesio cxe la 24a IJF en Cavallino apud Venecio (IT)

Dum la 24a IJF de Itala Esperanto-Junularo, en Cavallino apud Venecio inter 2000-04-19 kaj 2000-04-25, AIS arangxas sian 7an Italan Studadsesion.

AIS-kursoj estos integritaj en la festivalan programon. Cxiuj registritaj festivalanoj povos partopreni la kursojn sen kromaj kotizoj.

Jen plia kauxzo por partopreni en IJF! Gxia kadra temo estas

Cxu esti aux ne esti Euxropano
Vizitu la tre belajn retpagxojn de IEJ, kiuj informas pri la arangxo kaj ecx ebligas senpaperan aligxon. Krome ili tre lauxde mencias la lastjaran AIS-sesion, kiu okazis kadre de la 23a IJF.

Resumoj de la kursoj

Renato Corsetti: Cxu ni jam konas nian lingvon antaux la nasko aux cxu ni lernas gxin? De la grekoj tra Sankta Auxgusteno al Cxomski kaj poste...

Dum la tuta konata historio de studoj pri lingvoj interbatalis inter si du malaj teorioj: unu asertas, ke la lingvo-kapablo estas enkonstruita en homoj kaj ke finfine je "profunda nivelo" cxiuj lingvoj estas samaj; la dua asertas, ke la kapablo paroli lingvon estas io, kio estas lernata de la bebo dum la unuaj vivo-jaroj.

Cxiuj okupigxis pri cxi tio, inkluzive de nesuspekteblaj sanktuloj, sed la problemo ankoraux ne estas solvita.

KurstemojArgomenti del corso
La unuaj prilingvaj konsideroj en la historio -- La debatoj en Grekujo pri la esenco de lingvo -- Sankta Auxgusteno kaj la mensa leksikono -- Mezepokaj kaj islamaj evoluoj -- Kartezio kaj la gramatiko de Port Royal -- En la unua duono de la 20-a jarcento -- Chomsky -- post kaj preter Chomsky. Le prime riflessioni sulle lingue nella storia -- I dibattiti in Grecia sulla natura della lingua -- Sant'Agostino ed il lessico mentale -- Sviluppi nel medioevo ed in ambiente islamico -- Cartesio e la grammatica di Port Royal -- Nella prima metà del ventesimo secolo -- Chomsky -- Oltre Chomsky

Reinhard Fössmeier: Euxropaj aspektoj de komputil-programado

Cxu komputil-programado havas kulturajn aux geografiajn aspektojn? Gxi sxajnas eble la plej sennacia okupigxo, cxar komputiloj ja parolas "neuxtralajn" lingvojn kiaj FORTRAN, ALGOL, Pascal, Eifel, C, Java, HTML ktp. ("ktp" ne estas lingvo, almenaux laux la scio de la auxtoro).

Sed la kurso celas montri, kiom la programado de komputiloj rilatas malpli al masxinoj ol al homoj, iliaj menso, pensado kaj mondkoncepto. Iusence gxi estas ankaux esprimo de la homa personeco kaj do teorie povas havi ecojn de arto. Tial ne estas mirige, ke ankaux kulturaj influoj efikas en tiu kampo, kaj la demando pri Euxropeco / ne-Euxropeco envenas.

Kiu ne kredas, ke homaj lingvoj influas programadon, tiu sciu, ke oni ecx proponis programlingvon surbaze de Esperanto! Do ni venas al la demando: Kiom Euxropa estas Esperanto... nu, tiun demandon ni lasu al alia prelego.

Carlo Minnaja: Naciismo en Euxropo

(Nazionalismi in Europa)

KurstemojArgomenti del corso
Difinoj de sxtato, nacio, naciismo -- de kampara al industria socio -- socia entropio kaj egaleco -- kiel naciismo sin apogas al kulturo en centrisma sxtato -- nacieco rilate al reprezenta registaro; ekzemploj en socialdemokratio -- sxtatoj kaj etnaj minoritatoj post la unua mondmilito; Wilson kaj Zamenhof -- naciigo de la amasoj: la Itala ekzemplo -- parola lingvo kiel vehiklo de naciismo -- lingva aparteneco: Kafka kaj la lingva medio en Prago. Definizione di stato, nazione, nazionalismo -- Dalla società agricola a quella industriale -- Entropia sociale e uguaglianza; come il nazionalismo si appoggia alla cultura in uno stato centralizzato -- Nazionalità in relazione al governo rappresentativo; esempi nella socialdemocrazia -- Stati e minoranze nazionali dopo la fine della prima guerra mondiale: Wilson e Zamenhof -- Nazionalizzazione delle masse: l'esempio italiano -- La lingua parlata come veicolo del nazionalismo -- Appartenenza ad una lingua: Kafka e l'ambiente linguistico a Praga.